Ministria turke e Mbrojtjes tha se PKK/YPG sulmoi civilët e pafajshëm për të prishur sigurinë dhe paqen në rajonin e operacionit “Burimi i Paqes”.
Të paktën pesë persona kanë humbur jetën dhe 12 janë plagosur si pasojë e një sulmi terrorist me mjet shpërthyes të kryer nga PKK/YPG në një treg në rajonin Ras Al-Ayn në veri të Sirisë.
Ras Al-Ayn bën pjesë brenda rajonit në të cilin Turqia vitin e kaluar nisi operacionin antiterrorist “Burimi i Paqes” dhe aktualisht është nën kontrollin e opozitarëve pas çlirimit nga terroristët.
Në një deklaratë me shkrim, Ministria turke e Mbrojtjes tha se PKK/YPG sulmoi civilët e pafajshëm për të prishur sigurinë dhe paqen në rajonin e operacionit “Burimi i Paqes”.
“Terroristët, që janë armiq të njerëzimit, detonuan një mjet shpërthyes artizanal në një treg në qendër të Ras Al-Aynit, duke vrarë 5 civilë të pafajshëm dhe duke plagosur 12 të tjerë”, thuhet në deklaratë.
Ndryshe, qendra e qytetit Ras Al-Ayn u çlirua në tetor të vitit 2019, por organizata terroriste YPG/PKK shpesh kryen sulme terroriste ndaj vendbanimeve civile në Ras Al-Ayn dhe Tel Abyad nga rajonet Ayn Isa dhe Tel Tamer, të cilat vazhdon t’i mbajë të pushtuara./AA/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...